Category Archives: Suroboyoan Rek !

sopo ae wajib ‘ain Suroboyoan !

Kamus Suroboyoan

A
Ambèn, Bayang: Ranjang dari bambu atau kayu
Ambèk, Barèk: Dengan
Ambu: Bau
Ambung: Cium
Amblêg: Longsor
Ancèn: Memang
Andhok: Makan/ minum di warung/ restoran
Antarané: Kira-kira begitulah
Apês: Sial
Arèk: Anak, anak muda:

B
Bablas: Langsung pergi begitu saja
mBanyol: Melawak, melucu
mBanyaki, Mèmèti, Umêk, Usrêk: Tidak bisa diam
mBambung: Menggelandang
Barèk: Dengan, Bersama dengan
mBathang: Dibiarkan menganggur, sia-sia, bosan menunggu
mBêcong, Mêcucu: Cemberut
mBêdunduk: Muncul, mencuat ke atas
Bêkasakan: Kurang ajar, tak tahu sopan santun
Bêrak-bêrok: Berteriak mengganggu
Bèsèr: Berulangkali buang air
Bibik: Bibi
mBidêg, Njêgidêg: Membisu
mBulêt: Ruwet, berbelit-belit
Blakkotang: Terus terang: Blak-blakan
mBlakrak, Ngloyong, Ngêluthus: Pergi tanpa tujuan yang berguna
mBlarah: Berkembang tidak karuan
Blatèr: Ramah, mempesona, menarik hati
mBlênêk: Muak, bosan yang berlebihan
Blêjêt, Mudo Blêjêt: Telanjang bulat
mBrasak: Menerobos
mBrosot: Menerobos (misalnya menerobos pagar)
mBuncit: Terakhir

C
Cak, Cacak: Kakak (arti sebenarnya), panggilan untuk orang laki-laki
Cangkêm: Congor: Mulut
Cawuk: Nyawuk: Menyendok dengan seluruh jari tangan
Cêkikik: Suara tertawa yang ditahan
Cêlathu: Maki-maki
Cêngkal, Pêngku: Sulit diberi pengertian
Cèwok: Cebok
Cèmot: Mulutnya belepotan sisa makanan
Cingkrang: Pendek (celana yang tidak menutupi kaki sampai ujung)
Cingur: Hidung (biasanya untuk hewan)
Clomètan: Asal komentar
Cluthak, Nglamak: Kurang ajar, tidak tahu aturan
Congok: Bloon, seperti idiot
Cotho: Sia-sia, percuma
Cuthêl: Sudah tidak mampu menerima penjelasan lagi: Bodoh
Cwawak: Suaranya keras sekali

Iklan

NGGEDABRUS BARENG

Darsono, Wardi, Sugeng mbarek Jono janjian ngadakno reuni nang restoran CJDW. Karo mangan, wong papat ikut omong-omong ambek bernostalgia. Mari mangan Darsono ngadek teko kursi terus maju nang ngarep nyanyi karaokean.

”Njaluk lagu opo rek? Last Kiss tah?”

Ambek ngerungokno Darsono nyanyi, koncone nerusno omong-omong.

 

”Yo’opo anak-anakmu, Geng?” takon Wardi.

Sugeng cerito, ”Oo..apik-apik ae, anakku kan loro. Sing wedok melok bojone sing dadi Kapolres nang Aceh. Sing lanang wis dadi boss, pabrike loro, pabrik sepatu karo pabrik mie. Tapi yo ngono, aku sing dadi bapakke ae ga tau ditukokno motor blas, eehh…pas wingi pacare ulang tahun ditukokno BMW 318i gress, pintune Rek, lek ditutup muni makbleppp…”

 

”Lha lek anakmu, War?”

Wardi cerito, ”Anakku telu lanang kuabeh. Sing loro kerjo nang Amerika, sing ragil saiki wis dadi direktur developer perumahan. Tapine rodok gendeng anakku sing iki. Omahe bapake wis katene ambruk dijarno ae, tapine pas pacare ulang tahun ditukokno omah guedhe magrong-magrong.”

 

”Lha kabare anakmu, Jon?”

”Anakku papat, lanang siji, wedoke telu. Saiki wis podo mandiri. Sing paling sukses yo sing lanang. Kerjone dadi pialang saham. Cumak e yo rodok gak bener. Lha aku iki gak tau dike’i duwik, tapi wingi pas pacare ulang tahun dihadiahi deposito 100 Juta.”

 

Mari Jono cerito, Darsono yo pas mari karaokean.

”Crito opo ae, Rek?”

”Iki lho Dar, crito anak-anak e kene, yo’opo karo anak peno, Dar?” takon Jono.

Mari nyumet rokok Darsono crito

 

”Anakku cumak siji, tapi payah. Aku pingine de’e dadi ABRI, eeeh malah dadi bencong. Wis limang taun de’e bukak salon, teko mbiyen sampek saiki yo teteeep ae nyalon. Tapi, masio ngono, bencong koyok ngono de’e tetep anakku. Opo maneh dasare arek iku apik, pergaulane luas tur sayang karo bapake. Sakben oleh rejeki aku mesti dike’i. Wingi pas de’e ulang taun, onok koncone sing ngado BMW 318i gress, pintune lek ditutup muni makbleppp.., omah anyar, ambek deposito 100 Juta. Anakku ngomong, hadiah kuabeh iku gawe aku, areke dewe tetep seneng bukak salon” (*)

 

Lara Mata

dudu' matane Mat Pithi
Mat Pithi lara mata, matane kepeksa diperban loro-lorone.
Lunga nang dokter mata dituntun anake mergo gak eruh dalan.
Teko ndhik dokter mata langsung lingguh ndhik ruang tunggu,
anake dikongkon mulih “Wis kono muliho, koen ngrewangi ibumu. Mari ditambani mengko aku isok mulih dhewe”,
anake langsung nggeblas mulih. Bojone ndhik omah nunggu suwe Mat Pithi gak balik-balik.
Akhire bojone nyusul nang dokter mata. Teko kono bojone eruh Mat Pithi ndhik ruang tunggu lungguh dhewekan.
Mbasan eruh tulisan ndhik lawange ruang praktek dokter mata, bojone kaget,
Mat Pithi diseneni “Ealah Pak, pak..lha peno nunggoni sampek jam-jaman ya gak bakal dipriksa.
Lha iku ndhik lawang onok tulisane “HARI INI TIDAK PRAKTEK”.
————————————————————————————————–
Sisuke Mat Pithi akhire ketemu ambek Doktere mata.
Jare pak Dokter, matane Mat Pithi lara mergo kelenjar air matane gak berproduksi maneh.
Pak Dokter mata duwe akal, matane Mat Pithi dioperasi, saluran air mata disambungno ambek kelenjar air liur.
Mari dioperasi Mat Pithi kerasa enak, matane gak pedhes maneh.
Tapekno Mat Pithi tambah soro.
Yo’opo gak soro lha nek eruh panganan dudu cangkeme sing ngiler tapi matane sing mbrebes mili

DEG DEG SERR !!!

Jenenge Cak Sur nang Suroboyo cukup ngetop. Dokter umum sitok iku pasiene uakeh. Gak cumak obate ampuh, carane Cak Sur nangani pasien iku sing nggarai pasien seneng. Cak Sur iku dokter sing titen ambek pasiene. Kepethuk nang endi ae mesthi disapa.

Wingi sore Cak Sur nang supermarket. Ndilalah dokter nggantheng iku ketemu pasiene, Pendik. Pendik kenek darah tinggi. Wis seminggu ditangani Cak Sur jarene kok rodok lumayan. Cak Sur langsung njawil Pendik sing nyekel lengo goreng. “Yok opo, wis mudhun?” Cak Sur takok. “Mudhun yok opo. Tetep dhukur,” jare Pendik ngomel-ngomel. Cak Sur gak wani idhek-idhek. Wah… kok resepe gak manjur yo gawe ngudhukno tekanan darah. Wah… ojok-ojok metode lek ngobati salah. Cak Sur alon-alon metu. Kuwatir konangan wong liyo sing weruh lek cara ngobatine gak manjur blas.

Gak suwe Cak Sur weruh Ning Ya, pasiene sing kenek diabetes. Ning Ya blanja. Cak Sur nyapa grapyak. “Blanja, Ning?” “Lho, Pak Dokter,” Ning Ya seneng disapa Cak Sur. “Yok opo, Ning. Gulane wis mudhun? Saiki piro?” Cak Sur nakoki kadhar gulo darahe pasiene. “Mudhun? Yok opo se, Dok, gak iku,” jare Ning Ya. “Saiki gulane piro?” Cak Sur takok setengah kuwatir. Kok kadar gulane gak mudhun blas. “Saiki Rp 7.500. Padhahal wingi Rp 7.300,” jare Ning Ya.

Oalah… regone gula ta. Cak Sur langsung ayem. Opo maneh bareng weruh Pendik ngomel nang kasir. “Lengo goreng kok gak mudhun-mudhun regone.”

 

Nggonane Cak Harianto | Sidoarjo